成為千萬富翁的八個步驟 – 庸才免費有屋住篇

本篇筆者決定用例子形式，計出個案主角阿Loy同Meiling點樣搵兩萬人工，都可以成就千萬人生。

我兩萬人工都冇
係認清自己長處到達人生三十後，諗樣認為你理應有一個貼近兩萬既人工。就算因自幼家貧而中途輟學，年青既你好應搵到看更阿姐既1.5倍，即最低工資的約1.7倍，為$15000蚊。不要太花時間糾纏你係15000定20000蚊人工，如真係搵到盡都係$15000蚊，請scale down搵一千萬既目標。如搵$15000蚊對你同伴侶都係遙不可及既事，請回到上一章「認識自己是庸才」再開始。

你同伴侶
錢只係好少事，諗樣認為搵一個志同道合既人同你分享餘生遇到(或面對)既事先係最重要。請緊握你伴侶既手走落去，本章例子都係由兩人合力完成的!

個案
阿Loy，在2010年30歲，IT人月入$20,000，幾經辛苦先儲到$200,000資本係手。
Meiling，同Loy係大學同學，公務員月入$20,000，有$300,000資本係手。

兩人在2010 年買樓，用$2.99mil買入荃灣麗城花園一個頂層向海三房668呎單位。做九成按揭用H-plan上會加借按揭保費，年息1.1%分三十年還每月 供$8809(本金佔$6334)。阿Loy係買第一間樓個陣已有買第二間既打算，所以佢用自己一個人名同銀行借錢。由於買樓前一年已用autopay將 卡數月月準時全清，自己又唔借錢，係咁clean既情況下銀行都唔介意借比佢。$8809/20000低於個人總入息一半，可以上會，就算上唔到Loy都 仲有淨低既$200,000現金幫手。
兩人在上會後仍可合力每月將人工三成儲起，即$12000。

三房搬返去兩房? 

係住左兩年之後，麗城花園本金已清還$6334*24 = $152,000，於2012年該房市價$3.80mil，尚欠銀行$(2.69-0.152)mil=$2.52mil。手上現金增 為$152,000+$12000*24=$440,000。由於手頭充裕但該區樓市已在前兩年升左20%，佢地都唔想冒咁大風險，Meiling選擇 用$2.0mil買入荃德花園一439呎兩房單位，呢間係meiling自己上會既自住樓，做九成按揭年息2.0%分三十年還每月$6653(本金 佔$3613)，而佢兩個人就由麗城搬去荃德住，麗城間三房就租出去每月收$12,000。你心諗唔係呀?三房搬返去兩房? 庸才搵唔到錢確需如此，睇下佢地盤數點計。

免費有屋住，仲抵過租公屋!
麗城三房租金收入$12,000，供按揭$8809，即係淨$3200蚊落袋。
麗城按揭用H-plan上會利息好快，計埋每月係按揭還既本，佢地有$3200+$6332=$9532儲落戶口。
荃德花園每月供$6653，當中利息支出為$(6653-3613)=$3040，即係話佢兩公婆只係用麗城收番黎既租還按揭，後淨番既$3200都夠自住荃德花園既利息支出! 免費有屋住，仲抵過租公屋!

呢兩公婆係32歲已經有兩間樓係手，麗城花園租出產生$(12000-(8809-6334))=$9525的被動收入。而家儲錢比之前仲快左添!搬左去荃德花園住之後，手上減去所比首期淨$440,000-$200,000=$240,00 

將錢補比銀行做出租物業上會
到$2015 年，佢地手上有現金$240,000+$12000*36=$672000。麗城花園已清還了五年，本金欠$(2.69mil - $6334*60)=$2.30mil。樓價在2012到15年只緩緩下跌約一成，按揭利率同之前分別不大，該樓樓價在15年為3.60mil。阿Loy 將麗城花園轉按及報稱物業出租。就算2015年仲有出租物業只可借樓價一半咁嚴既規定，佢地只要補五十萬即可成功轉按。新按揭借3.60mil的50%分 30年還年息2%每月$6653(本金佔$3653)。點解要將五十萬補比銀行做出租物業呢?因為咁先可以將租金$12000當做收入一部份，將家庭總收 入變大，另一個好處當然係Mr.Loy係兩邊按揭加埋還少左，兩間樓共$6653+$6653=$13306，而家庭總收入加為$52000。

講左千幾字都未講哂成個程序，而家Mr.Loy好似saving plan咁將人工齋儲落按揭個plan度就有屋住啦! 請支持及like諗樣網! 下章再續。